Rom 13 | PONPDN | STEP | AMEN amen en upa kaun akan, me kin poe irail edi, pwe sota kaun akan me sota san ren Kot, a wasa kaun akan mia, nan irail me ren Kot.

Romans 13

1 AMEN amen en upa kaun akan, me kin poe irail edi, pwe sota kaun akan me sota san ren Kot, a wasa kaun akan mia, nan irail me ren Kot. 2 Ari, me pan katiwo on kaun akan kin katiwo on kusoned en Kot, a me katiwo kan, pan lodi on kapun. 3 Pwe saupeidi kan sota kin kamasakki, me kin wia mau, pwe me kin wia me sued. A ma koe sota men masak kaun akan, en wiada me mau, koe ap pan indandeki pa ’rail. 4 Pwe a papan Kot o iei me mau on uk, a ma koe wia me sued, masak, pwe a sota kin wa mal kodlas. Pwe a papan Kot o, pwen kame me wia sued. 5 lei me komail en peiki on, a kaidin pweki kamekam a pweki insen omail. 6 Iei me komail pil wiai on nopwei, pwe irail me papan Kot, me kin kaukaule papa wet. 7 Komail ari kapunala omail pwaipwand on amen amen! Taksis on me taksis kin wiaui on, nopwei on me nopwei kin wiaui on; masak, me masak kin ko on; ki on wau, me wau kin ko on. 8 Der pwaipwandeki meakot on amen; iet eta: Omail limpok pena, pwe me kin pok on amen, kin kapwaiada kapun o. 9 Pwe iet akan: Koe der kamal! Koe der kamela aramas! Koe der pirap! Koe der norok! o ma pil eu kusoned mia, iet orlepa: Koe en pok on men imp om due pein uk! 10 Limpok sota kin wia sued on men imp a. Ari, limpok audepan kapun. 11 O pil met: Kitail en dedeki duen ansau o, pwe auer leler, me kitail en pirida san mair, pwe ansaun atail dorela me koren san ni tapin atail poson. 12 Ponpon daulier, a ran me korendor. Kitail en pwilikidi wiawian rotorot akan, ap ale tatan marain. 13 Kitail en kekeid ni tiak mau, pwe ni ran; der kaped en mana de kamom soko, der samin de saut, de luak, de peirin. 14 A komail ale Kaun lesus Kristus, o der kanonala pali uduk, pwen aneda a inon sued.